გუშინ, მშრალი ხიდის მიმდებარე ტერიტორიაზე, ინცინდენტი მოხდა, რომლის შედეგადაც, დაჭრილია ორი ადამიანი, მათ შორის – საპატრულო პოლიციის თანამშრომელი.
აღნიშნულ საქმესთან დაკავშირებით, დაკავებულია სავარაუდო დამნაშავე – 39 წლის მამაკაცი.
არსებული ინფორმაციით, სწორედ მან მიაყენა ორივე დაზარალებულს სხვადასხვა სახის ჭრილობა.
დაჭრილები ამჟამად საავადმყოფოში არიან მოთავსებულები. ექიმების ინფორმაციით, მათ სიცოცხლეს საფრთხე არ ემუქრება.
გამოძიება განზრახ მკვლელობის მცდელობისა და სამსახურებრივი საქმიანობის შესრულების დროს პოლიციელზე თავდასხმის მუხლებით მიმდინარეობს.