სოციალურ ქსელში გავრცელებულ ვიდეოს, სადაც ჩანს რომ მოქალაქემ ყვავილების გამყიდველ ბიჭუნას, 500 ლარი აჩუქა დიდი გამოხმაურება მოჰყვა.
აღნიშნულ თემას აქტივისტი დომენიკ მანგო გამოეხმაურა.
„ახლახანს ფეისბუქზე გამოჩნდა ვიდეო, სადაც მანქანას უჩერებენ ყვავილების გამყიდველ ბავშვს და ჩუქნიან ფულად თანხას. ეს არც სოციალური აქტივობაა და არც ვინმეს დასახმარებლად წამოწყებული კამპანია. ირღვევა ბავშვის უფლებები, რადგან არ არის დაბლარული სახე. ასევე არ არის საქმის კურსში ჩაყენებული მშობელი, რომ მისი შვილი მთელი ქვეყნის მასშტაბით გამოაქვეყნეს საჯაროდ. ყველა ტელევიზია და მედია პლატფორმა, რომელმაც სახის დაფარვის გარეშე დადო ეს ვიდეო, არღვევს ჟურნალისტური ეთიკის სტანდარტს.
ეს რომ იყოს სოცუალური კამპანია ვინმეს გადასარჩენად ან დასახმარებლად, სადაც ხალხის ჩართულობაა საჭირო თანხის შესაგროვებლად, ასეთ შემთხვევაშიც მშობლისგან უნდა იყოს აღებული უფლება არასრულწლოვანის გამოსაჩენად. ვიდეოში ჩანს, რომ მანქანაში მყოფ პირებს კუთვნილი თანხა აქვთ და აძლევენ ბავშვს, თუმცა მაინც აღწერენ ვიდეოზე თავიანთ “სიკეთეს”. ისე კი, სწორედ ეს სიკეთეა, რომელიც მარჯვენამ არ უნდა იცოდეს მარცხენის და პირიქით“, – წერს ის.