🎥 „დავტოვე პროექტი, მაგრამ ყველაფერი გრძელდება… მომავალში მინდა საქართველოში ჩამოსვლა“ – ლიზი გოზალიშვილი

გადაცემას – „დილა ფორმულაზე“ – გერმანული „ვოისის“ ქართველმა მონაწილემ, მომღერალმა ლიზი გოზალიშვილმა ინტერვიუ მისცა.

ლიზიმ აღნიშნული პროექტისა და თავისი საქმიანობის, გეგმის შესახებ ისაუბრა.

„მე სულ მინდოდა გერმანულ „ვოისში“ მონაწილეობა, ეს იყო ჩემი მიზანი და ძალიან ბედნიერი ვარ. ახლა უფრო ვიაზრებ, რომ ჩემი ოცნება ავიხდინე

გამოცდილებაც უდიდესი მივიღე, ბევრი რამ აღმოვაჩინე ახალი.

დავტოვე პროექტი, მაგრამ ყველაფერი გრძელდება.. ჩემი საავტორო სიმღერები მაქვს და ამ მიმართულებით ვარ დაკავებული.

უახლოეს მომავალში მინდა საქართველოში ჩამოსვლა,“ – ამბობს ლიზი.