კლინიკა „იავნანაში“ ახალშობილი გარდაიცვალა. ოჯახის წევრები ჩვილის დაღუპვაში კლინიკის ექიმს ადანაუშაულებენ. მათი თქმით, ექიმმა სათანადო ყურადღება არ გამოიჩინა პაციენტის მიმართ. როგორც ოჯახის წევრმა განაცხადა, 28 წლის გოგონა კლინიკაში მშობიარობის ტკივილებით მოიყვანეს.
ორსულობის პერიოდში მას არაფერი უჩვეულო არ აღენიშნებოდა და თავს კარგად გრძნობა. გარდაცვლილი ახალშობილის ბებიის თქმით, ყველაფერი კლინიკაში შემოსვლის შემდეგ გაუარესდა. გოგონას, მიმართ ექიმმა გულგრილობა გამოიჩინა და შესაბამისი ზომებიც საჭიროზე გვიან მიიღო. „რომ შემოვიყვანეთ კლინიკაში უნდა გაეჩინა ბავშვი, სამი საათის მერე დამიკავშირდით, მანამდე არ შემაწუხოთო. სამი საათის მერე დაგვიძახეს 2-3 ოჯახის წევრი შევედით და გამოგვიცხადეს რომ ბავშვი დაიღუპა, გაიგუდა ბავში მუცელში.“ – განაცხადა ბებიამ. როგორც ოჯახის ახლობელმა აღნიშნა, დედამ შვილის გარდაცვალების შესახებ ჯერ არაფერი.
ფაქტთან დაკავშირებით, განცხადება გაავრცელა ,,იავნანამ” სადაც წერია:
“დაფიქსირდა ნაყოფის ინტრანატალური სიკვდილი. მშობიარობამდე ორსული აღრიცხვაზე იმყოფებოდა სხვა კლინიკაში. მიმდინარეობს ფაქტის შესწავლა, ნაყოფის ინტრანატალური სიკვდილის შესახებ ეცნობა შესაბამის სამსახურს და დადგინდება მომხდარის მიზეზები.” – აღნიშნულია იავნანას განცხადებაში