ბათუმის ბულვარის facebook-გვერდი სოციალურ ქსელში, ბათუმში არსებული შტორმის შესახებ, ინფორმაციას ავრცელებს.
„ ⚠️ შტორმული გაფრთხილება!
ძვირფასო მოქალაქეებო, ბათუმში განვითარებული ძლიერი წვიმისა და რთული მეტეოროლოგიური პირობების გამო, გთხოვთ, თავი შეიკავოთ ბულვარის სანაპირო ზოლში გადაადგილებისაგან. ზღვაზე განვითარდა 8-ბალიანი შტორმი, რის გამოც გადაადგილება საფრთხის შემცველია.
ახალ ბულვარში შტორმის შედეგების სალიკვიდაციო სამუშაოები დილიდან მიმდინარეობს. სსიპ “ბათუმის ბულვარი”-ს და ქ.ბათუმის მერიის შესაბამისი სამსახურები საგანგებო რეჟიმში აგრძელებენ მუშაობას“, – აღნიშნულია პოსტში.