“ძალიან ბედნიერი ვარ” – პაატა იმნაძის მიმართვა

ვაქცინაციის დაწყება შეზღუდვების შემსუბუქებასთან არანაირ კავშირში არ არის. ვაცქინაცია როდესაც დასრულდება, უფრო მეტად მაშინ შეიძლება, ჩვეულებრივ ცხოვრებას დავუბრუნდეთ, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ საქართველოს პირველი არხის ეთერში განაცხადა.

„უცხოურ ოფიციალურ მონაცემებს თუ გადავხედავთ, ვნახავთ, როგორ გამკაცრდა ზომები. ვაქცინაციის დაწყება შეზღუდვების შემსუბუქებასთან არანაირ კავშირში არ არის. ვაქცინაცია როდესაც დასრულდება, უფრო მეტად მაშინ შეიძლება, ჩვეულებრივ ცხოვრებას დავუბრუნდეთ. დღეს იმისთვის, რომ ვითარება ვაკონტროლოთ, სამწუხაროდ, სხვა გზა, გარდა შეზღუდვებისა, რომლებიც არის დაწესებული, არ არსებობს. რა თქმა უნდა, მოსახლეობის აბსოლუტური უმრავლესობის მიერ პირბადისა და დისტანციის დაცვასთან ერთად.

ძალიან ბედნიერი ვარ, რომ ჩვენს ქვეყანაში ეს ნელ-ნელა ფეხს იკიდებს. საერთაშორისო შეფასებებით საქართველოში 72%-ზე არის ასული უნივარსალური პირბადის სწორი მოხმარება. რა თქმა უნდა, ვირუსის ახალი შემთხვევები მოიმატებს, მაგრამ კატასტროფული მატება არ იქნება. რატომღაც, ძალაინ ბევრს უკვე დაავიწყდა, ორი თვის წინ რა ხდებოდა საქართველოში. ვიმეორებ, მთავარი და ძირითადი შეზღუდვების მოხსნის პერიოდში იქნება პირბადეების ტარების მომატება. თუ ამას არ მივეჩვიეთ, სამწუხარო რეალობაა, რომ ვირუსთან ერთად ცხოვრება საკმაოდ დიდხანს მოგვიწევს“, – განაცხადა პაატა იმნაძემ.