„ვერ უზრუნველყო სატვირთოს უსაფრთხოდ მართვა“ – ორთაჭალაში მომხდარზე დაკავებულ მძღოლს ბრალდება წარედგინა

21 ნოემბერს, თბილისში, ვ.გორგასლისა და ბ.კალანდაძის ქუჩების კვეთასთან, ტრაილერის დაგორების შედეგად, 15 წლის მოზარდი დაიღუპა.

პროკურატურის ცნობით, სატვირთოს მძღოლს ბრალი წარედგინა.

„სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 276-ე მუხლის მე-6 ნაწილით (ავტომობილის მოძრაობის უსაფრთხოების ან ექსპლუატაციის წესის დარღვევა რამაც სიცოცხლის მოსპობა გამოიწვია) წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

პროკურატურა, ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს,“ – აღნიშნულია უწყების განცხადებაში.

წყარო: „მთავარი არხი“