„გირჩის“ წევრი იაგო ხვიჩია ჟურნალ „სარკესთან“ საკუთარი ცხოვრების შესახებ საუბრობს. მისი თქმით, აქვს რთული ხასიათი, „ირტყმევიება და იღრინება“ კიდეც.
„როგორც მეუბნებიან, რთული ხასიათის ვარ. რთულ ხასიათში იგულისხმება ის, რომ არ მიყვარს ტყუილი და უპასუხისმგებლობა. ასეთ შემთხვევაში ვირტყმევინები და ვიღრინები. ფიზიკურად არ ვძალადობ, მაგრამ ბულერი ვარ. ხომ გაავრცელეს ჩემზე, ხალხს აბულინგებსო. ჰოდა, ტყუილად სულაც არ არის ეს ჭორი გავრცელებული. გააჩნია, რას როგორ დააშავებენ…“
აქვე, ხვიჩია ამბობს, რომ მისთვის პირველი ცხოვრებისეული ტრაგედია იყო იმის გაანალიზება, რომ ფეხბურთის სიყვარულის მიუხედავად, მისგან მსოფლიო ჩემპიონი არ გამოვიდოდა.
„ყველასი მშურს, ვინც ფეხბურთს პროფესიონალურად თამაშობდა. კი, რასაკვირველია, მშურს კახა კალაძის. მშურს და მან იცის ჩემი პატივისცემა მისი ამ პროფესიის მიმართ. მშურს თეთრი თუ შავი შურით და ეს შური იწვევს პატივისცემას“, – განაცხადა ხვიჩიამ.