2024 წლის 21 მარტს, ევრო 2024-ის პლეი ოფის ნახევარფინალში, საქართველო ლუქსემბურგს დაუპირისპირდება. ესპანეთთან მიღებული ყვითელი ბარათის გამო, ნაკრების ლიდერი, ხვიჩა კვარაცხელია, აღნიშნულ შეხვედრას, დისკვალიფიკაციის გამო, გამოტოვებს.
ამ საკითხს სოციალური ქსელით დიდი გამოახმაურება მოჰყვა. ამასთან დაკავშირებით, პოსტი გამოაქვეყნა პარლამენტარმა რომან გოცირიძემაც.
„საქართველის ფეხბურთის ფედერაცია და მწვრთნელი არის დამნაშავე იმაში, რომ არ იცოდნენ, ესპანეთთან მიღებული ყვითელი ან წითელი ბარათი გადადიოდა თუ არა ევროპა ლიგის თამაზებზეც. ის, რაც დაემართა ხვიჩა კვარაცხელიას, შეიძლება დამართნოდათ სხვებსაც. მან გაფრთხილება მიიღო არა სათამაშო სიტუაციაში, არამედ, კამათისათვის. თამაშის წინ რომ სცოდნოდა მოსალოდნელი შედეგი, ეს არ მოხდებოდა.
რაც შეეხება ლუქსემბურგის ნაკრებს, არის ძლიერი გუნდი, ორჯერ მეტი ქულა დააგროვა გუშინ დამთავრებულ შესარჩევ ციკლში ვიდრე საქართველომ და ბოლო მომენტამდე ინარჩუნებთა ევროპის ჩემპუონატზე პირდაპირ გასვლას. ხვიჩა კვარაცხელიას გარეშე მისი დამარცხება თუნდაც თბილისში იქნება ძალიან ძნელი.
არაპროფესიონალიზმი, ბიუჯეტიდან გაფლანგული მილიონები და ორღობის დონის შიდა ჩემპიონატი-ესაა დღევანდელი ქართული ფეხბურთი და ლეგიონერების წყალობით ძლივს მიღწეული შანსები შეიძლება წყალში ჩაიყაროს“, – წერს ის.