ჟურნალისტი ვახო სანაია სოციალური ქსელით გია გაჩეჩილაძის, იგივე უცნობის, ახალ კლიპს – „ღრუსი მოდის“ – გამოეხმაურა.
„ცხადია, პერსონალურად ,,უცნობი” თავად არაფერს წარმოადგენს, ერთი უწიგნური და უმაქნისი ტიპია, მაგრამ ის სახეა ,,ქართველის” ერთი კატეგორიისა.
ამ გრეჩიხებს ფული სულ ჰქონდათ. მის გარეშე ცხოვრება არ შეუძლიათ. სიღარიბე მათ არსებობას აზრს უკარგავს. ამიტომ გაყიდიან ყველაფერს – საპროტესტო აქციებს, ხალხს, მეგობარს, ოღონდ ფული ჰქონდეთ ძალიან ბანალური ფუფუნებისთვის, პრივილეგიებისთვის. უტყდებათ უფულობა. ოღონდ სიღარიბე არა და ყველაფერს იკადრებენ. თან სიღარიბე ის კი არაა მათთვის, რასაც ჩვენ ვგულისხმობთ, არამედ ის, როცა მილიონები არა აქვთ.
რას აკეთებენ ცხოვრებაში – არაფერს. უსაქმურები არიან. უბრალოდ, ქვეყნის გაყიდვით არიან დაკავებული.
ხომ აგინებენ ევროპას, მაგრამ ,,პაკუპკებისთვის”, დასვენებისთვის იქაურობა უნდათ. ბანალური რუსული ამბავია. რუსეთია მათი კომფორტული სივრცე – ფიქრობენ, რომ საქართველოს გარუსებით სულ ექნებათ ფული. რეალურად რუსები არიან ქართული გვარით“, – წერს ის.