ცოტნა გამსახურდიას ჯანმრთელობა ნელ-ნელა უმჯობესდება. ამ ეტაპზე ის შემოიფარგლება მხოლოდ რამდენიმე სიტყვის წარმოთქმით და ჟესტების ენით. ფაქტობრივად, ახლიდან სწავლობს ცხოვრებას, სიარულსა და ლაპარაკს. გამსახურდიების ოჯახის გულშემატკივარი, ავსტრიაში მცხოვრები ემიგრანტი სოციალურ ქსელში წერს:
„ცოტნემ სარეაბილიტაციო ვარჯიშის დროს ხელის არეში უნებლიედ იგრძნო ტკივილი და გამწარებულმა გამართულად შეიკურთხა ქართულად! იმ მასაჟიტს, რა თქმა უნდა, ამ წინადადების მნიშვნელობის არაფერი გაეგო, მაგრამ პაციენტის წარმოთქმული წინსვლად და წარმატებად მიიჩნია.
ჰოდა, მთელი საღამოა, მეც გახარებული ვარ!
მჯერა და დარწმუნებული ვარ, რომ ცოტნე წარმატებით დაძლევს ამ პროცესს და გამარჯვებული დაუბრუნდება სამშობლოს!“ – წერს ქართველი ემიგრანტი, ავსტრიიდან.