პომიდვრის უნიკალური თვისებები

პომიდორი (ლათ. Lycopersicon) — ერთ ან მრავალწლოვანი (ტროპიკებში), ბალახოვანი და ბუჩქბალახოვანი მცენარის გვარი ძაღლყურძენასებრთა ოჯახისა.

ნაყოფი წითელი, ვარდისფერი და სხვადასხვა ინტენსივობის ყვითელი ფერისაა, მისი მასაა 20-დან 900გ-მდე და მეტიც. სიმწიფეში შედის აღმოცენებიდან 80-140 დღეში. ნაყოფი შეიცავს (%-ობით): მშრალ ნივთიერებას 4,5-8,1, მათ შორის შაქარს (მონოზებს) 50%, ორგანულ მჟავებს 3,5-8,5, ცელულოზას 0,87-1,7, პექტინოვან ნივთიერებას 0,13-0,23 და სხვა, აგრეთვე ნატრიუმს, კალიუმს, კალციუმს, მაგნიუმს, რკინას, სპილენძს, ფოსფორს, გოგირდს, ქლორს, მანგანუმს, B1, B2, PP, C ვიტამინებს, კაროტინს და სხვა ნივთიერებებს. იყენებენ კულინარიაში ნედლად და გადამუშავებულს.

პომიდვრის წვენის ხშირი გამოყენება ამცირებს ტრომბოზის, ნაწლავის გაუვალობას, ვარიკოზის რისკს.

თუ პომიდორს ხშირად მიირთმევთ, სიმსივნური დაავადება ნაკლებად დაგემუქრებათ, რაც პომიდვრის შემადგენლობაში შემავალი ლიკოპენისა და კაროტინოიდების დამსახურებაა.

პომიდორი მდიდარია ლიკოპენით, რომელიც მძლავრი ანტიოქსიდანტია. ლიკოპენი ბუნების საოცრებაა, უამრავი დაავადების მკურნალი. მას გააჩნია ანტისიმსივნური მოქმედება – აფერხებს დნმ-ის მუტაციას და წყვეტს სიმსივნური უჯრედების გამრავლებას.

პომიდორი აუმჯობესებს ნივთიერებათა ცვლასა და საჭმლის მონელების პროცესს, ამცირებს ქოლესტერინის შემცველობას სისხლში და ზრდის ჰემოგლობინის დონეს.