ცნობილია როგორც Soba-cha იაპონიაში, Memil-cha კორეაში და Kuqiao-cha ჩინეთში, წიწიბურას ჩაი მზადდება მოხალული წიწიბურას მარცვლებისგან და აქვს გლუვი, ტკბილი და თხილის გემო. წიწიბურას ჩაი უამრავ სარგებელს სთავაზობს სხეულსა და გონებას, მათ შორის:
- კარგია საჭმლის მონელებისთვის
- სასარგებლოა წონის დაკლებისთვის
- არ შეიცავს გლუტენს, ხორბალს, კოფეინს და შაქარს
- ვარგისია ორსული ქალებისა და ბავშვებისთვის
- დამამშვიდებელია
- მდიდარია ნუტრიენტებით და ანტიოქსიდანტებით
წიწიბურას ჩაი, როგორც საჭმლის მომნელებელი საშუალება
ანტიოქსიდანტებით მდიდარი, წიწიბურას ჩაი დაგეხმარებათ ნაწლავებთან დაკავშირებული დაავადებების, მათ შორის ყაბზობისა და შებერილობის მოსახსნელად. დალიეთ სასმელი დღის განმავლობაში, ან თუნდაც მძიმე ლანჩის ან ვახშმის შემდეგ.
წიწიბურას ჩაი წონის კლებისთვის
როგორც უკვე აღვნიშნეთ, წიწიბურას ჩაი ბევრ სარგებელს გვთავაზობს ჯანმრთელობისთვის, რადგან ის მდიდარია რამდენიმე ანტიოქსიდანტით, რომელთაგან ერთ-ერთს უწოდებენ “კატექინებს” – ბუნებრივი ანტიოქსიდანტი.
წიწიბურას ჩაი სტრესისა და შფოთვისთვის
წიწიბურას ჩაი უაღრესად დამამშვიდებელია – ის ძალიან სასარგებლოა სტრესისა და შფოთვის დონის შესამცირებლად.
წიწიბურას ჩაი შეიცავს რუტინს, ძლიერ ანტიოქსიდანტს
რუტინი არის ძლიერი ანტიოქსიდანტი, რომელიც ასევე ცნობილია როგორც ვიტამინი P და უხვად გვხვდება წიწიბურას ჩაის შემადგენლობაში.
წიწიბურას ჩაი ჩვეულებრივ მზადდება “fagopyrum tataricum” მცენარის გამოყენებით, რომელიც ასევე ცნობილია როგორც “ტარტარული” წიწიბურა. ამ ტიპის მცენარე საუკეთესოდ იზრდება სუბტროპიკულ კლიმატში და მისი თესლი შეიცავს დაახლოებით 100-ჯერ მეტ რუტინს, ვიდრე ჩვეულებრივი წიწიბურას მცენარე. ეს ფაქტი კი მთელი რიგი პროცესების წარმართვას უწყობს ხელს:
- სისხლში შაქრის დონის შემცირება
- არტერიული წნევის და LDL ქოლესტერინის დაქვეითება
- სისხლის მიმოქცევის გაუმჯობესება
- ორგანიზმში ანთების შემცირება
- კიბოს რისკის შემცირება
წყარო:მარაო