🎥„მეუღლემ ამიკრძალა, ნუღარ წერ მწარე მწარე რაღაცებსო…” – თამარ ივერი პირადზე

გადაცემას – „ნოესთან“ – საოპერო მომღერალი თამარ ივერი ესტუმრა.

ივერმა, სხვადასხვა თემასთან ერთად, ისაუბრა პრობლემებზე, რომლებიც მასა და მის მეუღლეს მისი მწარე სიმართლის გამო შეექმნათ.

„მეუღლემ ამიკრძალა, ნუღარ წერ მწარე მწარე რაღაცებსო, რადგან ეს ყველას არ სიამოვნებს. მითხრა, ხომ ხედავ, რომ პრობლემები გექმნებაო. რამდენჯერაც დავაპირებ რამის დაწერას, ვფიქრობ. გამოთქმა არსებობს ძალიან კარგი, სხვათა შორის მაფიოზების, 10 წუთი მოთმინება, 10 წელი კომფორტს ნიშნავსო. ამიტომ როცა რამეს დაწერას დავაპირებ ვჩერდები და მერე ძაღლის ან კატის ვიდეოს ვაზიარებ ხოლმე და ამაზე გადამაქვს ხოლმე“, – თქვა ივერმა.

წამყვანის კითხვაზე – აქვთ თუ არა მათ სახლში სრული პატრიარქატი? – მომღერალი ასე პასუხობს.

„არა სრული პატრიარქატი არ გვაქვს, არც მატრიარქატი, მაგრამ მე მას ძალიან დიდ პატივს ვცემ. რამდენჯერმე მასაც პრობლემები შეექმნა ჩემი პირდაპირობის გამო. მეუბნება ხოლმე, რატომ ირთულებ ცხოვრებასო. მართლაც რაც უფრო ცნობილია ადამიანი, მით უფრო დიპლომატიური უნდა იყოს და ჯობია, რაღაც კარგი დაწერო, ვიდრე ვიღაცები სარკეში ახედო.“