ახლახანს ცნობილი ქართველი მეცნიერი, არქეოლოგი და პედაგოგი ამირან კახიძე გარდაიცვალა. სამწუხარო ინფორმაცია სოციალურ ქსელში ვრცელდება.
“ღრმა მწუხარებას გამოვხატავ ცნობილი არქეოლოგის, ღვაწლმოსილი მეცნიერისა და პედაგოგის ამირან კახიძის გარდაცვალების გამო.
ამირან კახიძის სახელს უკავშირდება სამხრეთ–დასავლეთ საქართველოში არქეოლოგიის სკოლის შექმნა და მკლევართა რამდენიმე თაობის აღზარდა. მისი ხელმძღვანელობით მოწყობილმა ექსპედიციებმა ჩვენი ქვეყნის და საერთოდ, საკაცობრიო ცივილიზაციის საგანძური გაამდიდრა უახლესი, ბევრ შემთხვევაში უნიკალური აღმოჩენებით. ის ყოველთვის გამოირჩეოდა აქტიური საზოგადოებრივი პოზიციითა და მაღალი მოქალაქეობრივი პასუხისმგებლობით.
ვუსამძიმრებ ბატონი ამირანის ოჯახს, მეგობრებს, კოლეგებს, სტუდენტებსა და ჩვენს საზოგადოებას”