ჟურნალისტი ინგა გრიგოლია სოციალურ ქსელში თავისი გარდაცვლილი მეგობრისა და კოლეგის, ლევან ჩხაიძის შესახებ ემოციურ პოსტს აქვეყნებს.
„რაც ის წავიდა, სიტყვით ვერ გადმოვცემ, როგორ გაჭირდა და როგორ გაუფერულდა ყველაფერი. რაც ის წავიდა, ვეღარავინ ამოავსო უზარმაზარი სიცარიელე, რომელიც გაჩნდა… ღრმა და უკიდეგანო სიცარიელე..
რაც ის წავიდა, ვეღარსად ვიპოვე მეგობარი, ისეთი ტკბილი, ისეთი სანდო და საიმედო, როგორიც თავად იყო…
ხანდახან მართლა მგონია დამესიზმრა, თორემ ეგეთი მეგობარი, სხვა არც არასდროს მყოლია, არც მანამდე და არც მერე. დაბადების დღეს გილოცავ, ჯაკო!
მაინც მგონია, რომ სადღაც, შორეულ მოგზაურობაში ხარ და ჩამოხვალ-დამირეკავ. შენს დღეს გილოცავ, ჯაკო.🙏 Ia Gawerelia Alina Chxaidze მიყვარხართ და მინდა ისე იყოთ, როგორც ჩვენს ბიჭს გაუხარდებოდა🙏 (ხო, ამასაც დავწერ – რაც ის წავიდა,სიკვდილის საერთოდ აღარ მეშინია, საერთოდ!!), – წერს ის.