მედიაში გავრცელებული ინფორმაციის თანახმად, ქარელის მუნიციპალიტეტის ერთ-ერთი სოფლიდან არასრულწლოვანი გოგო მოიტაცეს და სექსუალურად იძალადეს. ბავშვი 2011 წელსაა დაბადებული.
შინაგან საქმეთა სამინისტროს გამოძიება სისხლის სამართლის კოდექსის 140-ე მუხლით აქვს დაწყებული, რაც 16 წლის ასაკს მიუღწეველ სხეულში სექსუალური ხასიათის შეღწევას გულისხმობს.
22 წლის ბიჭი დაკავებულია.
ambebi.ge წყაროზე დაყრდნობით მოიპოვა ინფორმაცია, რის მიხედვითაც, 22 წლის ბიჭმა 12 წლის გოგონა ცოლად მოყვანის მიზნით გაიტაცა, რის შემდეგაც მოხდა სექსუალური დანაშაული.
“დანაშაულია, აბა, რა არის, როცა ასეთი პატარა ასაკის ბავშვთან ამყარებ სქესობრივ კავშირს, სოფელში ამბობენ, ცოლად მოყვანის მიზნით გაიტაცაო… რა სიყვარულზეა ლაპარაკი 12 წლის ბავშვთან… დამნაშავე მალევე დააკავეს. ამის მეტს ვერაფერს გეტყვით, მხოლოდ იმის თქმა შემიძლია, რომ ორივე ეთნიკურად ქართველები არიან“, – აცხადებს წყარო.