დღეს მედიაში გავრცელდა ინფორმაცია, რომ გორის მუნიციპალიტეტში, საოკუპაციო ხაზთან მდებარე ერთ-ერთ სოფელში სკოლის მოსწავლეს მუქარის შემცველი წერილი გაუგზავნეს.
არსებული ინფორმაციით, წერილში მას თანხას სთხოვდნენ, წინააღმდეგ შემთხვევაში კი ოჯახის წევრების სიცოცხლის ხელყოფით ემუქრებოდნენ.
“წერილი დახვდა მეხუთეკლასელ ბავშვს მერხთან. წერილით სთხოვდნენ ფულს და წერილი შეიცავდა მუქარასაც. სკოლას ჰქონდა სათანადო რეაგირება, მიმართა პოლიციას და ამჯერად მიმდინარეობს გამოძიება. ხელნაწერი იყო, შესაბამისად, არ გაუჭირდება გამოძიებას დადგენა”, – აცხადებს რესურსცენტრის უფროსი, ნანა ტერმაკოზაშვილი.
ფაქტზე გამოძიება სსკ-ის 151-ე მუხლით მიმდინარეობს, რაც მუქარას გულისხმობს.
წყარო: mozaikanews.ge