ხმელთაშუა ზღვის დიეტა შეიძლება აღმოჩნდეს თქვენთვის ერთგვარი გასაღები არასასურველი მუცლის ცხიმის მოსაშორებლად, რომელიც პირდაპირ დაკავშირებულია დაბერებასთან.
ხშირად ჯანსაღი ცხოვრების წესი და ვარჯიში არ ეხმარება ადამიანებს, რომ შეაჩეროს ორგანიზმში მიმდინარე შეუქცევადი ცვლილებები, ისეთი, როგორიცაა ასაკი და სიბერე. მაგრამ ეს არ არის სასიკვდილო განაჩენი სილამაზის საკითხში. PREDIMED-Plus-ის მიერ ჩატარებულმა კვლევამ აჩვენა, რომ ამ ცვლილებების გამოსწორება შესაძლებელია ხმელთაშუა ზღვის დიეტის დაცვით. დიეტის კვლევის შედეგები JAMA Network Open-მა 18 ოქტომბერს გამოაქვეყნა.
გარდა იმისა, რომ დიეტის დაცვამ ადამიანების სხეულზე დადებითი გავლენა მოახდინა, ასევე გულ-სისხლძარღვთა დაავადებების რისკი შეამცირა. დიეტამ შთამბეჭდავი შედეგი აჩვენა ხანდაზმულთა სხეულის გაახალგაზრდავებაზე. მეცნიერებმა შესაბამისი შედეგები სამწლიანი კვლევის შემდეგ გამოაქვეყნეს.
დიეტის საშუალებით პროდუქტების დაბალი კალორიული შემცველობის მიუხედავად, მათი შემადგენლობა და ცილების რაოდენობა საშუალებას მოგცემთ სხეულმა არ დაკარგოს კუნთი, რასაც ხშირად ექსტრემალური დიეტები ანადგურებს.
ექსპერიმენტში მონაწილეობდა 1521 საშუალო ასაკის და ხანდაზმული ადამიანი, რომლებსაც ჰქონდათ ჭარბი წონა, სიმსუქნე ან მეტაბოლური პრობლემები. ისინი დაყვეს ორ ჯგუფად: ერთი მიჰყვებოდა ხმელთაშუა ზღვის დიეტას, ამცირებდა კალორიების მიღებას 30%-ით და ზრდიდა ფიზიკურ აქტივობას, ხოლო მეორე მიჰყვებოდა ხმელთაშუა ზღვის დიეტას კალორიების შეზღუდვისა და აქტივობის ცვლილების გარეშე.
მეცნიერებმა განაცხადეს, რომ ცდის პირთა პირველმა ჯგუფმა მიაღწია მნიშვნელოვან შედეგებს – ერთ წელიწადში მათ მოახერხეს სხეულის მთლიანი ცხიმის მასის დაახლოებით 5% განადგურებას. საუბარი იყო კონკრეტულად ვისცერალურ ცხიმზე, რომელიც ადამიანის ორგანიზმში გროვდება მუცლის არეში და ფარავს სასიცოცხლო ორგანოებს. გამაგრძეთ კითხვა