ორგანიზაცია საფარის ხელმძღვანელი ბაია პატარაია სოციალურ ქსელში წერს:
„ჰომოფობია არის ქოცების საარჩევნო პოლიტიკური სტრატეგია, ამიტომ ასეთი რამ მოიფიქრეს: პარლამენტში გამოძახებულ მინისტრებს იდიოტურ კითხვებს უსვამენ ქოცებივე, რომ მერე ქოცმა მინისტრმა პასუხად ანთხიოს სიძულვილი ლგბტ ადამიანების მიმართ და ავრცელოს ტყუილი და დეზინფორმაცია. მედია, მათ შორის დამოუკიდებელი, ბეჭდავს და გვაგებინებს ამ პროპაგანდას ბევრ ხალხს. ამ ბევრი ხალხიდან წესიერი ხალხი ქოთქოთით აშეარებს ამ ნიუსს, ეს რა გაიგო ჩვენმა ყურებმაო. (ანუ ვითომ არ ვიცით, რომ სპეციალურად იქცევიან ქოცები ასე). საბოლოოდ, ყველა ლაპარაკობს შეთითხნილ ტყუილზე და ყველას ყურამდე მიდის სიძულვილი და ბოდვა. ამ ყველაფრით კი ხეირობს ისევ პროპაგანდა და საქოცეთი.
ნუ დაეხმარები პროპაგანდას – ნუ გაავრცელებ პოლიტიკურად ნასაზრდოებ ზიზღს.
დღეს ნებისმიერი რომ გააჩერო ქუჩაში და ჰკითხო, რა პრობლემა გაქვს ამ ცხოვრებაშიო, დაგელაპარაკება სიღარიბეზე, უმუშევრობაზე, ფასების ზრდაზე, კრედიტის ზრდაზე… ამაზე პასუხები არ აქვს მთავრობას და ტატყანებს არარსებულ პრობლემაზე.
ხოდა, ნუ ავყვებით ამაში პროპაგანდას, ძალიან გთხოვთ, ნუ გამოვაყენებინებთ თავს.
პ.ს. მაშინ, როცა იგივე თავდაცვის მინისტრმა საშინელება თქვა რუსეთზე, რომ სიტუაცია რომ იცვლება, ზოგჯერ მტერი მეგობარიაო. რუსეთი საქართველოს მეგობარი ვერასდროს გახდება ამ ოკუპაციაში და უბედურებაში, მაგრამ ქოცმა ოღონდ სკამი შეინარჩუნოს და პუტინს კი არა, პირდაპირ ეშმაკს დაიმეგობრებს. ტფუი… კოლაბორაციონისტი მთავრობა!“ – წერს ბაია პატარაია.