📷 “ჩემი საყვარელი ვარსკვლავი” – რას აქვეყნებს ტრაგიკულად გარდაცვილი მარიტას და

ზუსტად ერთი წლის წინ, 2022 წლის 13 ოქტომბერს, 13 წლის მარიტა მეფარიშვილის სიცოცხლე ვაკის პარკში მომხდარ ტრაგიკულ შემთხვევას შეეწირა.

მარიტას დამ, ნუცა მეფარიშვილმა ტიკ-ტოკზე ამ ტრაგედიით გამოწვეული უდიდესი ტკივილის გამომხატველი, ემოციური ფოტოები გამოაქვეყნა.

შეგახსენებთ, ვაკის პარკის შადრევანში სამი ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი მათგანი, მარიტა მეფარიშვილი, ხეჩინაშვილის კლინიკაში გარდაიცვალა.

აღნიშნულ საქმეზე ბრალდებულ 9 პირთაგან 8-ს პატიმრობა შეეფარდა.

ბრალი დაუმძიმდათ – “გრინსერვისი+“-ის დირექტორს, ლაშა ფურცხვანიძეს უხარისხო სამუშაოების შესრულების ფაქტზე, რამაც ადამიანის სიცოცხლის მოსპობა და ორი ადამიანის ჯანმრთელობის დაზიანება გამოიწვია (სსკ-ის 251-ე მუხლის მე-2 და მე-3 ნაწილი), ასევე ყალბი ოფიციალური დოკუმენტების გამოყენების ფაქტზე, რამაც მნიშვნელოვანი ზიანი გამოიწვია (362-ე მუხლის მე-2 ნაწილის „ბ“ ქვეპუნქტი).”გრინსერვისი+“-ის თანამშრომელს დევი კახოიძეს – ყალბი ოფიციალური დოკუმენტის დამზადებაში წაქეზების ფაქტზე, რამაც მნიშვნელოვანი ზიანი გამოიწვია (სსკ-ის 25,362-ე მუხლის მე-2 ნაწილის „ბ’’ ქვეპუნქტი) და ,,მშენ-ექსპერტი“-ს დირექტორს ნუგზარ ქიტიაშვილსა და ამავე კომპანიის ექსპერტს დავით თუშიშვილს ყალბი ოფიციალური დოკუმენტის დამზადება, გასაღების ფაქტზე, რამაც მნიშვნელოვანი ზიანი გამოიწვია (სსკ-ის 362-ე მუხლის მე-2 ნაწილის ,,ბ’’ ქვეპუნქტი).