12 ოქტომბრიდან საქართველოში გამოიდარებს – ამის შესახებ სოციალურ ქსელში ცნობილი მეტეოროლოგი კობა ფარტენაძე წერს.
“რითი გაგახაროთ დილიდან თქო და რათქმაუნდა მზეზე უკეთესს რას გაჩუქებთ, რომელიც მალე ზღაპრულ შემოდგომას შექმნის ჩვენს ქვეყანაში…
საქართველოს დაბლობსა და ბარში “შემოდგომისეული სიცივე” “ანაზღაურდება” გვიანი მსოფლიოში ცნობილი “ინდური ზაფხულით”, რომელიც მნიშვნელოვანი აცივების შემდეგ, დათბობას გულისხმობს.
ხვალ, 12 ოქტომბრიდან საქართველოში გამოიდარებს,
ანტიციკლონის გავლენის ფონზე სტაბილურად ძალიან თბილი და მზიანი ამინდებია მოსალოდნელი.
ჰაერის ტემპერატურა უფრო და უფრო მოიმატებს და შაბათ-კვირას ყველგან +23…+25, გრადუსამდე დათბება.
მთიან ზონას რაც შეეხება, მაღალმთაში მოსული პირველი თოვლი რათქმაუნდა მალევე დადნება და +16 გრადუსამდე მოიმატებს ტემპერატურა.
ასე რომ წინ მშვენიერი დღეები გველოდება, გისურვებთ ბევრ სიხარულს.
მეტეოროლოგი – კობა ფარტენაძე”