„ისრაელის არმია საავიაციო და საარტილერიო შეტევას განაგრძობს ღაზის სექტორზე. თუმცა, ამის მიუხედავად, „ჰამასმა“ რამდენჯერმე საჰაერო შეტევის განხორციელება მაინც მოახერხა…
ისრაელში მცხოვრები ქართველი მწერალი, ეკა ქურხული „ეპილოგი.გეს“ ბოლო დღეებში განვითარებულ მოვლენებზე უყვება.
-7 ოქტომბრიდან ჩვენი, ისრაელში მცხოვრები ადამიანების ცხოვრება მთლიანად შეიცვალა. „ჰამასმა“ ერთდროულად რამდენიმე ქალაქს დაარტყა. იმდენად მასშტაბური შეტევა იყო, რომ „რკინის გუმბათმა“ ვერ შეაკავა. აქაურებს პანიკა არ სჩვევიათ. აქ სავალდებულო სამხედრო სამსახურს ყველა იხდის, თუმცა, შემდეგ, არმიაში, სხვადასხვა საქმის შესრულება უწევთ – ზოგი საბრძოლო ქვედანაყოფებშია, ზოგიც, უსაფრთხოების, სადაზვერვო, ასევე, არიან ნაწილი დაცვის სამსახურში, ლოჯისტიკასა და ა.შ…
იმის მიხედვით, ვის რა პოტენციალი შესაძლებლობა აქვს. სხვა პროფესიებშიც ასეა – თავიანთ სპეციალობაზე არიან კონცენტრირებული და მის სრულყოფილად დაუფლებაში ბოლომდე იხარჯებიან…
გოგონა, რომელიც იმ საბედისწერო მუსიკალურ ფესტივალზე დამკვირვებლად იყო მივლინებული, რა თქმა უნდა, ჯარგამოვლილია და ჰყვებოდა, რომ ყველა ჩვენგანს 4-საათიანი ცვლა ჰქონდა და იმ დროის განმავლობაში თავის მიტრიალების უფლება არ გვქონდა, შესაბამისად, შეუძლებელია, „ჰამასის“ წარმომადგენლებს ყურადღების მოდუნებით ესარგებლათ. არსებობს კითხვები, რომელსაც ომის დასრულების შემდეგ, ისრაელის ხელისუფლებამ პასუხი უნდა გასცეს.
_ თქვენს გარშემო რა ხდება?.. ითქვა, რომ მოსახლეობა თადარიგს იჭერს, მარაგს იკეთებენ, სავაჭრო ობიექტებში რიგებია.
-არა, ისრაელის მოსახლეობის შეინიშნება ასე ადვილი არ არის, ბევრი რამ აქვთ გადატანილი და საკმაოდ მშვიდად შეუძლიათ ყველანაირი განსაცდელის მიღება, გაძლება და გადატანა. რაც შეეხება, მარაგის გაკეთებას – ამაში ახალი არაფერია, შვიდი წელია აქ ვცხოვრობ და ვმუშაობ და შეჩვეული ვარ, იმას, რომ სამი თვის მარაგს იკეთებენ. ადგილობრივმა ასე იციან… მაცივრები, სარდაფები, ყველა სათავსო სავსე აქვთ, ნახევარფაბრიკატებით, ბურღულეულით, შაქრით, მარილითა თუ სხვა პროდუქტით.
ბებიაჩემი ამბობდა, ვისაც ომი აქვს გამოვლილი, თადარიგის დაჭერაც იცისო… ასე რომ, შესაძლოა, ვიღაცამ დაინახა, რომ ბლომად ყიდულობდნენ ყველაფერს და იფიქრა, რომ პანიკაა. ახლა, რომ გესაუბრებით, სირენების ხმა შემოდის. ტელეფონში გვაქვს აპლიკაცია, საიდანაც ინფორმაციას ვიღებთ, სად ცხადდება განგაში და სად არის სახიფათო სიტუაცია… კითხვა განაგრძეთ ბმულზე