საათობით ოფისში მუშაობა და კომპიუტერთან ჯდომა მავნე ზეგავლენას ნებისმიერი ასაკის ადამიანზე ახდენს. პასიური ცხოვრების წესის გამო დროთა განმავლობაში თავს იჩენს
● წელის ტკივილი;
● კისრის ტკივილი;
● ზურგის ტკივილი;
● მაჯის ტკივილი;
● თვალების ტკივილი;
● ვენების ტკივილი;
გვერდულად ან მოხრილი ჯდომა შესაძლოა ხერხემლის სქოლიოზის ან წელის სხვა დაავადებების განვითარების მიზეზი გახდეს. ხანგრძლივად არასწორ პოზაში ჯდომა ადამიანის ორგანიზმში საკმაოდ სერიოზულ ცვლილებებს იწვევს.
ამ დროს ირღვევა ხერხემლის არტერიების ფუნქციონირება, სისხლის ნორმალური მიმოქცევა ტვინში, რაც, რა თქმა უნდა, ყოველდღიურად დისკომფორტის გამომწვევია. ამ პრობლემების პრევენციისთვის ექიმები რეკომენდაციას ჯანსაღი ცხოვრების წესის დაცვასა და ფიზიკური აქტივობებით დაკავებას უწევენ. ამის შესახებ მეტი ინფორმაცია შეგიძლიათ მიიღოთ სამედიცინო პორტალზე: infomedical.ge.
კომპიუტერთან მუშაობის დროს გაითვალისწინეთ, რომ
● მონიტორის ქვედა კიდე ოდნავ წინ გადავწიოთ;
● სკამი კი, რომელზედაც სხედხართ სასურველია კომფორტული და რეგულირებადი იყოს;
● ჯდომის პროცესში, უმჯობესია, კისერი და ხერხემალი ერთ დონეზე დააფიქსიროთ, ტერფი კი აუცილებლად უნდა ეხებოდეს იატაკს;
● ყოველ 20 წუთში გაავარჯიშეთ თვალები: გადაიტანეთ მზერა კომპიუტერის მონიტორიდან და თვალის კაკლის მოძრაობით დაასვენეთ მხედველობის ორგანო;
● ყოველ 1 საათში თითოეული სახსრის მარტივი მოძრაობით განიტვირთეთ და გაავარჯიშეთ სხეული. ფიზიკური აქტივობა სამუშაო საათებში ძალიან მნიშვნელოვანია.