მერაბ სეფაშვილი ჟურნალ „სარკესთან“ საუბრისას აღნიშნავს, რომ მისმა მეუღლემ 2020 წელს გულის იშემიური ინსულტი გადაიტანა:
„ყოველმხრივ მძიმე წელი გვქონდა. ნინო ძალიან ყურადღებიანია როგორც ჩვენი, ისე საკუთარი ჯანმრთელობის მიმართ. ექიმებთან რეგულარულად დადიოდა და ჯანმრთელობის მდგომარეობას ამოწმებდა. გულს არასდროს შეუწუხებია, არც რაიმე ნიშნები ჰქონია და უცებ, ასე ცამოწმენდილზე გახდა ცუდად. დიდხანს ვუმკურნალეთ, ღვთისა და ექიმების წყალობით, მისი მდგომარეობა დამაკმაყოფილებელია, მაგრამ დიდი სიფრთხილე და კიდევ ბევრი დრო სჭირდება, რომ საბოლოოდ გამოჯანმრთელდეს“.
მომღერალი ასევე საუბრობს, რომ ბოლო წლის განმავლობაში ფინანსური სირთულეები შეექმნა და ებრაელი მეგობრები უმართავენ ხელს.