3 ოქტომბერი
ეს დღე გაჩვენებთ, რომ ყველაფერი, რაც გარედან იდეალურია, სულაც არაა სინამდვილეში ასეთი საოცარი… დაფიქრდით ამ საკითხზე. შესაძლოა, თქვენთვის ახლობელი ადამიანი, მნიშვნელოვანი საქმე სულ სხვა კუთხით დაინახოთ და მიხვდეთ, რომ გადაჭარბებული მოლოდინები გქონდათ. თუმცა, სიმართლის გარკვევაში, მიუხედავად იმედგაცრუებისა, ცუდი არაფერია!
4 ოქტომბერი
მიმდინარე დღეების განმავლობაში, შესაძლოა, ემოციური არასტაბილურობა იგრძნოთ, გაგახსენდეთ წარსულში დაშვებული შეცდომები, იქ დატოვებული ურთიერთობები და განწყობა გაგიფუჭდეთ. თუმცა, ამ დღეს სამყარო კიდევ ერთხელ შეგახსენებთ, რომ მადლობა გადაუხადოთ საკუთარ თავს. ყველა შეცდომა, წარმატება, გამარჯვება რაღაცას გასწავლით და ამაში საკუთარი მაგალითით თავად დარწმუნდებით. მადლობა უთხარით თქვენს თავს წინსვლისთვისაც და შეცდომებისთვისაც და ნუ დაკარგავთ დროს წარსულის აჩრდილებზე.
5 ოქტომბერი
ამ დღეს გექნებათ შანსი, რომ საჭირო ადამიანებმა თქვენი ცოდნა, უნარები, პოტენციალი დაინახონ და კარიერული განვითარების თვალსაზრისით, ხელსაყრელ გარემოში აღმოჩნდეთ. იყავით გამბედავი, ნუ მოგერიდებათ საკუთარი თავის წარმოჩენა და წარმატების გაცილებით მეტი შანსი გექნებათ.
6 ოქტომბერი
ეს დღე გაჩვენებთ, რამდენად დიდი როლი აქვს თქვენს ცხოვრებაში ოჯახსა და ახლობელ ადამიანებს. შესაძლოა, მათგან მოულოდნელი საჩუქარი, მხარდაჭერა, გამხნევება მიიღოთ, რაც მოტივაციას აგიმაღლებთ და სასიამოვნო განწყობასაც შეგიქმნით.
7 ოქტომბერი
ასტროლოგები გირჩევენ, რომ ამ დღეს ფრთხილად იყოთ და კონფლიქტურ სიტუაციებში არ აღმოჩნდეთ. შესაძლოა, მცირე კამათიც კი დიდ დაპირისპირებაში გადაიზარდოს.
8 ოქტომბერი
ბედნიერება წვრილმანებშია და ეს დღე ამაში დაგარწმუნებთ. აღმოაჩინეთ ბედნიერება საკუთარ თავში, ღიმილში, მზიან დღეში, გემრიელ ტკბილეულში, საყვარელ სიმღერაში, ჰაერსა და სიმშვიდეში, დააფასეთ ყველა გამართლება და კიდევ უფრო მეტ იღბალს ნახავთ.
წყარო – “ბომონდი”