პარასკევს, 29 სექტემბერს, დედამიწის მოსახლეობა მნიშვნელოვანი ასტროლოგიური მოვლენის მომსწრე გახდება. დღეს 2023 წლის ბოლო სუპერმთვარეა. სავსე მთვარე ვერძის ნიშანში იქნება. ვერძი კი ასტროლოგიაში ერთ-ერთ ყველაზე იმპულსურ და ფეთქებად ნიშნად ითვლება. ამიტომაც, როგორც ასტროლოგები ამბობენ, 29 სექტემბერი შესაძლოა, ბევრი ადამიანისათვის მნიშვნელოვანი თარიღი აღმოჩნდეს, ემოციური არასტაბილურობა და მომატებული შფოთვა იგრძნონ.
აღსანიშნავია, რომ 29 სექტემბრის სუპერმთვარეს “ცეცხლოვანსაც” უწოდებენ, რადგანაც იგი პლანეტა იუპიტერის, სატურნისა და მერკურის ნათების გავლენით, უფრო კაშკაშა ფერს იღებს. სუპერმთვარე, თბილისის დროით, 13:58 საათზე იქნება.
ასტროლოგების მთავარი რჩევაა, რომ დღეს ნაჩქარევი და რადიკალური გადაწყვეტილებები არ მივიღოთ, რადგანაც, როგორც უკვე აღინიშნა, ვერძის ნიშნის გავლენა განსაკუთრებით ძლიერია და იგი იმპულსური ქმედებებისაკენ გვიბიძგებს. შედეგით კი შესაძლოა, უკმაყოფილოები დავრჩეთ.
- მნიშვნელოვანია, რომ დღევანდელი დღე მშვიდ გარემოში გაატაროთ და ხმაურიან შეკრებებსა და წვეულებებს მოერიდოთ. დაკავდით მედიტაციით, მოუსმინეთ შინაგან ხმას და დაიმახსოვრეთ ის იდეები, რომლებიც თავში მოგივათ. შესაძლოა, მათ შორის იყოს რაღაც ისეთი, რაც სამომავლოდ დიდ წარმატებასა და აღიარებას მოგიტანთ.
- ჩაიფიქრეთ სურვილები – ითვლება, რომ ამ დღეს სამყაროს გაცილებით უკეთ ესმის ჩვენი.
- განიტვირთეთ, თუ შესაძლებელია, დრო ბუნებაში გაატარეთ და დაისვენეთ.
- ამ დღეს წვრილმანებზე ნუ ინერვიულებთ, ნუ დაკავდებით წუწუნით და იმის თქმით, რომ არ გიმართლებთ და არაფერი გამოგდით. გამოხატეთ სამყაროს მიმართ კეთილგანწყობა და დააფასეთ ყველა გამართლება, რაც აქამდე გქონიათ.
- ასტროლოგები გირჩევენ, რომ დღეს დიდი შესყიდვები არ განახორციელოთ და არც ფინანსური ტრანზაქციები განახორციელეთ.
- მნიშვნელოვანია, რომ დღეს არც ფული ისესხოთ და არც გაასესხოთ.
- მოერიდეთ კონფლიქტებს. მომატებული ემოციური ფონის გამო, მცირე უსიამოვნებაც კი შესაძლოა, ძალიან დიდ დაპირისპირებაში გადაიზარდოს.მოერიდეთ ფიზიკურ დატვირთვას – შესაძლოა, ზედმეტი მცდელობა ტრავმით დასრულდეს.
- ყველაზე მნიშვნელოვანი კი მაინც ისაა, რომ დღეს ნაჩქარევი გადაწყვეტილებები არ მიიღოთ. არ გადაწყვიტოთ იმიჯის მკვეთრი შეცვლა, რაიმე პოზიციის დატოვება, მოლაპარაკებების მიტოვება. გაატარეთ დრო მშვიდად, მნიშვნელოვან საქმეებს კი მომდევნო დღეები დაუთმეთ.
წყარო: mshoblebi.ge