ქოთნის ყვავილების მოვლა და მათი ყურება ძალიან სასიამოვნო პროცესია. მცენარეც ცოცხალი ორგანიზმია, ისინი გავლენას ახდენენ მათ გარშემო არსებულ სამყაროზე, მაგრამ თავისებურად, მათ აქვთ სხვა მეთოდები და შესაძლებლობები. მცენარეებს ასევე აქვთ ბიოველი, რაც მეცნიერებმა დაამტკიცეს.
ყველაზე მოკრძალებულ ბინაშიც კი ქოთნის ყვავილებს მყუდროებისა და ჰარმონიული ატმოსფეროს შექმნა შეუძლიათ. ძველი ჩინური სწავლები – ფენ-შუის აზრით, ყვავილები და მცენარეები სიცოცხლის სიმბოლოები არიან და დადებითი ცი ენერგიის შექმნა შეუძლიათ. მთავარია, ქოთნის ყვავილები ბინაში სწორად განალაგოთ.
თუ არ გსურთ, ფანჯრიდან ბინაში უარყოფითმა ენერგიამ შემოაღწიოს, რაფაზე ქოთნის ყვავილები დადგით. გრძელ დერეფანში აუცილებლად დიდფოთლიანი მცენარე უნდა მოათავსოთ. თანაც ისეთი, რომელიც განსაკუთრებულ მოვლას, მზეს არ საჭიროებს.
სამზარეულოში შეგიძლიათ დადგათ: ალოე, ტრადესკანცია, ასპარაგუსი, ფიკუსი, კრასულა (ფულის ხე), დიფენბახია.
არსებობენ მცენარეები, რომლებიც ნეგატიურ ან პოზიტიურ ენერგიას იზიდავენ, მაგალითად სურო, როგორც სხვა მცოცავი მცენარეები, სუროც იზიდავს სხვადასხვა ავადმყოფობასა და ხელს უწყობს კონფლიქტური სიტუაციების წარმოქმნას. მათი გაჩერება ოფისებშიც კი არ არის რეკომენდებული. სურო ფლობს მამაკაცის ენერგიას და პრაქტიკულად აძევებს ძლიერ სქესს სახლიდან.
ბეგონია – მცენარე-ვამპირი, თუმცა სასარგებლო. ბეგონია იღებს უარყოფით და დადებით ენერგიას, თუმცა ცოტა ხანში უკან მხოლოდ დადებითს დაგიბრუნებთ.
ორქიდეა – ყველსათვის საყვარელმა ორიქდეამ შესაძლოა მთელი თქვენი დადებითი ენერგია შთანთქას. განსაკუთრებით აქტიურდება ღამის საათებში და გამთენიისას.