ივანე მაჩაბლის მუზეუმი სამწუხარო ინფორმაციას ავრცელებს:
“ივანე მაჩაბლის მუზეუმი ღრმა მწუხარებას გამოთქვამს, სამაჩაბლოს უკანასკნელი მემკვიდრის, ვასილ მაჩაბლის შვილიშვილის, ქალბატონ ქეთევან ჯინჭარაძის გარდაცვალების გამო🥲💔
..,,97 წლის ასაკში გარდაიცვალა ქალბატონი ქეთევან ჯინჭარაძე. ის გახლდათ ქართველი იუნკერის და შემდგომში საფრანგეთის უცხოელთა ლეგიონის მაიორის ალექსანდრე დავითის ძე ჯინჭარაძისა და სამაჩაბლოს უკანასკნელი თავადის, ვასილ მაჩაბელის ასულის, ნინო მაჩაბელის ერთადერთი ქალიშვილი. ქალბატონი ქეთევანის ბიძა- გიორგი მაჩაბელი თავის მხრივ ცნობილი პოლიტიკური მოღვაწე და მსოფლიოში აღიარებული სუნამოების ბრენდის “Prince Matchabelli” -ს დამაარსებელი იყო. 1930 წელს ქეთევანი მოინათლა პარიზში წმ. ნინოს ტაძარში. ის მონათლა ეკლესიის მაშინდელმა წინამძღვარმა წმინდა მღვდელმოწამე გრიგოლ ფერაძემ. ქეთევანის ნათლია მისი ბიძა გიორგი მაჩაბელი გახლდათ. ქალბატონი ქეთევან ჯინჭარაძე ომის წლებში ფრანგული წინააღმდეგობის მოძრაობის წევრი იყო. ის თავისი ცხოვრების მანძილზე გულშემატკივრობდა საქართველოს სათვისტომოს საფრანგეთში და კავშირი ჰქონდა საქართველოსთან. სამწუხაროა, რომ მისი სიცოცხლის ბოლო წლებში, ვინაიდან მარტო ცხოვრობდა და მეხსიერების პრობლემებმა ავტონომიურობა დაუკარგა, სახელმწიფომ მეურვე მიუჩინა, რომელიც ღრძო, გულგრილი და უჟმური აღმოჩნდა ქნი ქეთევანის ახლო ნათესავებისა და საელჩოს დაჟინებულ თხოვნაზე, რომ მის სახლში არსებული დიდი ალბათობით საინტერესო არქივი საქართველოსთვის გადმოეცა. ამ პროცესს, ამჟამად ნათესავებთან ერთად სასამართლოს გზით ვაგრძელებთ.
აცხონოს ღმერთმა ქალბატონი ქეთევანი”🙏🌹
გოჩა ჯავახიშვილი
საქართველოს ელჩი საფრანგეთში”