როგორც ფსიქოლოგები ამბობენ სკოლაში წასვლა დიდი სტრესია. პირველკლასელები ახალ ცხოვრებას იწყებენ. მათ უწევთ ახალი უნარ-ჩვევების შეძენა, საკუთარ თავზე პატარ-პატარა, მაგრამ ამ ასაკისთვის მნიშვნელოვანი პასუხისმგებლობების აღება. ასეთ დროს ბავშვის ცხოვრებაში დიდი მნიშვნელობა აქვს მშობლების თანამონაწილეობას, რათა განვითრაების ახალი ეტაპი წარმატებულად დაიწყოს და განვითარდეს.
ფსიქოლოგები მშობლებს სასკოლო ადაპტაციის 7 წესს სთავაზობენ:
1. ასწავლეთ პასუხისმგებლობის აღება, ზრუნვა საკუთარ თავზე და სასწავლო ნივთებზე, იგი უკვე მოსწავლეა და ამიტომ სათამაშოების მილაგება და პატრონობა უკვე მისი საქმეა;
2. ასწავლეთ, რომ სკოლაში, ბაღში და გასართობ მოედანზე სხვადასხვა წესები მოქმედებს;
3. სწავლის პირველ კვირებში დაეხმარეთ დავალებების შესრულებაში და წაახალისეთ, აუცილებელია მან ირწმუნოს საკუთარი ძალისა და შესაძლებლობების;
4. ნუ გააკრიტიკებთ, როდესაც ცუდად დაწერს, ნელა წაიკითხავს და დაითვლის, კრიტიკა ამ შემთხვევაში მხოლოდ და მხოლოდ გააღრმავებს პრობლემას;
5. წაუკითხეთ წიგნები, რათა განუვითარდეს მოსმენის, კონცენტრაციისა და ანალიზის უნარი;
6. ყოველთვის წაახალისეთ, როცა გაკვეთილისადმი მეტ ცნობისმოყვარეობას გამოიჩენს და დასვამს შეკითხვებს;
7. ნურასდროს შეადარებთ ვინმეს, ეს გამოიწვევს ან მომატებულ სიამაყეს ან შურს და თვითშეფასების დაქვეითებას. შეადარეთ მხოლოდ მისი ახალი მიღწევები უწინდელ შედეგს.