“მეტრონომმა” სინოპტიკოს დოდო გვაზავასთან მოსალოდნელ ამინდთან დაკავშირებით ინტერვიუ ჩაწერა. როგორც მან ჩვენთან
საუბრისას აღნიშნა, ხვალიდან შედარებით უფრო გააქტიურდება თბილი ჰაერის მასები, თუმცა ეს დიდხანს არ გაგრძელდება.
“არამდგრადი ამინდები იყო გასული კვირის განმავლობაში, ტემპერატურამ მკვეთრად დაიკლო, მაღალმთიან რაიონებში, უმეტესად კავკასიონის ქედზე, წამოთოვა კიდეც. გუშინ და დღეს ნარჩუნდება მაქსიმალური ტემპერატურა დაბლობ, სანაპირო რაიონებში დასავლეთ საქართველოში 26 გრადუსამდე, რაც შეეხება აღმოსავლეთ საქართველოს აქ უფრო გრილა. კახეთში გუშინ 16 გრადუსი დაფიქსირდა, დედაქალაქში 19. შიდა ქართლსა და სამხრეთ-ჯავახათში უფრო მაღალი ტემპერატურა იყო.
დღეიდან შედარებით უფრო აქტიურდება თბილი ჰაერის მასები, თუმცა ეს დიდხანს არ გაგრძელდება. 15-16 სექტემბერს ტემპერატურა ყველგან მოიმატებს. დასავლეთ საქართველოში 24-26 გრადუსამდე, აღმოსავლეთში 24-26 გრადუსია მოსალოდნელი. 17-ში კი კვლავ არამდგრადი ამინდია, ტემპერატურა რამდენიმე გრადუსით დაიკლებს. ტემპერატურის კლება 19 სექტემბრამდე გაგრძელდება.
17-18 სექტემბერს უმეტეს რაიონებში იწვიმებს, ასევე შესაძლებელია ზოგან უხვი ნალექიც მოვიდეს” – განაცხადა დოდო გვაზავამ.