წერეთლის გამზირზე სახურავიდან გადმოვარდნილი კაცი ალადაშვილის სახელობის კლინიკაშია გადაყვანილი, ის მართვით სუნთქვაზე იმყოფება.
„აღნიშნავენ, რომ არის სიმაღლიდან ვარდნა, არის უმძიმესი მდგომარეობა, სიცოცხლესთან შეუთავსებელი. ტრავმული შოკი, სახის და ქალის ძვლების მრავლობითი მოტეხილობებით, იმყოფება მართვით სუნთქვაზე”. – აცხადებს ალადაშვილის კლინიკის ექიმი.
შეგახსენებთ, რომ 10 სექტემბერს თბილისში წერეთლის გამზირზე მდებარე ერთ-ერთი კორპუსის სახურავიდან კაცი გადმოვარდა. ინფორმაცია სოციალურ ქსელში “ტაბულას” დამფუძნებელმა თამარ ჩერგოლეიშვილმა გაავრცელა.
თვითმხილველების ცნობით, კაცი სასწრაფო სამედიცინო დახმარებამ კლინიკაში გადაიყვანა.