“ცრემლით ხვდება ახალ სასწავლო წელს ჯუმათის საჯარო სკოლა…” – გურიაში სტიქიის შედეგად ტრაგიკულად გარდაცვლილ ბიჭს გლოვობენ

გურიაში მომხდარ სტიქიურ უბედურებას სამი ადამიანი ემსხვერპლა, აქედან ორი ბავშვია. გარდაცვლილებიდან ერთ-ერთი 11 წლის თორნიკე ჩხარტიშვილია.

ჯუმათის საჯარო სკოლა მოსწავლეს ემოციურად ემშვიდობება.

“ცრემლით და ტკივილით ხვდება ახალ სასწავლო წელს ჯუმათის საჯარო სკოლა. თორნიკე ჩხარტიშვილი, ჩვენი კეთილი და მოსაფერებელი ვაჟკაცი წაგვართვა სტიქიამ. ვუსამძიმრებთ ოჯახს, სოფელს, მთელს ქვეყანას! ღმერთმა ნათელში ამყოფოს შენი სპეტაკი სული ჩვენო თორნიკე! დაგვაკლდები უსაშველოდ! მშვიდობით ,,ბუთქუჩა,,!”