ჟურნალისტი ირაკლი ტაბლიაშვილი საქართველოს პრემიერ-მინისტრის, ირაკლი ღარიბაშვილის აშშ-ში ვიზიტს გამოეხმაურა.
„ჩარტერის გარეშე რომ გაუჭირდებოდა გაფრენა, ეგ ვიცით!.. ისიც გვითხარით, “ჩერეზ” სტამბული წავიდა თუ “ჩერეზ” მიუნჰენი?.. რა დრო დაჰყავით სტამბულში, მიუნჰენში თუ სხვაგან?
ეს ყველაფერი მაინტერესებს იმიტომ, რომ სრულად ზუსტად ვიანგარიშო ღარიბაშვილის მიერ გაწეული ხარჯი!
ისე კი, რამდენადაც ვიცი, ამერიკამდე ჩარტერული რეისის დაქირავება საათი 10-12 ათასი დოლარია!..
ნუ, თუ გავითვალისწინებთ, რომ მამა-შვილმა მინიმუმ 15 საათი იფრინა, თავადაც შეგიძლიათ გამოიანგარიშოთ მიახლოებითი თანხა!
არა! არ გეგონოთ, რომ პრემიერს ჯიბის ფულს ვუთვლიდე!.. ვიცი, რომ ხელფასი არ ეყოფოდა ამგვარ მგზავრობას!
თანხის წარმომავლობაზეც მაქვს ეჭვი!..“, – წერს ის.
აღნიშნულ საკითხთან დაკავშირებით, განმარტება გააკეთა სტრატეგიული კომუნუკაციების დეპარტამენტმა.
შეგახსენებთ, ღარიბაშვილი ამერიკაში გასული თვის ბოლოს იმყოფებოდა. ღარიბაშვილისა და მისი მეუღლის, ნუნუკა თამაზაშვილის, ფოტოები მანჰეტენიდან მედიაში კულუარულად გავრცელდა.
ამასთან, ირაკლი ღარიბაშვილის შვილი პელსილვანიის უნივერსიტეტში იწყებს სწავლას.