ოზურგეთში ყველასთვის საყვარელი პედაგოგი დეზდემონა რუსაძე გარდაიცვალა. სამწუხარო ინფორმაციას “გურია ნიუსი” ავრცელებს.
“მეორე საჯარო სკოლას ბევრი დიდებული პედაგოგი ჰყოლია, მათ შორის იყო ჩვენი საყვარელი დეზდემონა. ქალბატონი შექსპირული სახელითა და ქართული ბუნებით, ნამდვილი პედაგოგი, პროფესიონალი, სიცოცხლეზე, სამყაროზე, ადამიანებზე უსაზღვროდ შეყვარებული, ხალისიანი, იმედიანი შეუდრეკელი, დიდი ოჯახის დედა, საუკეთესო შვილების აღმზრდელი, შვილიშვილების, შვილთაშვილების საყვარელი ბებია, _ ნათქვამია მეორე სჯარო სკოლის დირექციის თანაგრძნობის წერილში.