„ჯორჯიან უოთერ ენდ ფაუერი“ აბონენტებს შესაძლო ინტერნეტთაღლითობის შესახებ აფრთხილებს.
კომპანიის განცხადებით, ბოლო დღეების განმავლობაში აბონენტებს ეგზავნებათ ცრუ შეთავაზება სმს შეტყობინების სახით, რომ მათ გარკვეულ ბმულზე გადასვლით გადაიხადონ კომუნალური გადასახადები, მათ შორის, წყლის საფასური და სანაცვლოდ, გადახდილი თანხის 50% აბონენტს უკან დაუბრუნდება.
„ჯივიპის“ ცნობით, აღნიშნული შეთავაზება წარმოადგენს ინტერნეტთაღლითობას.
შესაბამისად, კომპანია მოუწოდებს აბონენტებს, მსგავსი “სმს” შეტყობინების მიღებისას არ ისარგებლონ მითითებული ბმულით და არ შეიყვანონ სააბონენტო, პირადი თუ საბანკო მონაცემები.