ჟურნალისტი ბექა ყორშია სოციალურ ქსელში ახალ პოსტს აქვეყნებს.
„ჩემო თანატოლებო, ეს თქვენი გადასაწყვეტია, მაგრამ ისევ თქვენი შვილების ინტერესების გათვალისწინებით, გირჩევთ, არ ეცადოთ მათთვის სახელების შერჩევის დროს იყოთ ორიგინალურები და უცაბედად, ემოციურ ნიადაგზე, ბავშვს საყვარელი ამერიკული სერიალის გმირის სახელი დაარქვათ, რადგან ქართულ გვარებს ეს სახელები ხშირად უბრალოდ არ უხდება. თუ ირაკლი, მარი, ნინო, დათო და გიორგი არ მოგწონთ, არის სხვა ქართული სახელებიც.
უცნაური, არაავთენტური, ეგზოტიკური სახელით ბავშვს მომავალში შეიძლება კომპლექსი გაუჩნდეს. მეგრელი ვარ და ამ საკითხში მეტ-ნაკლებად ჭკუა მომეკითხება. მაგალითად, ჩემი დიდი ბებიის ბიძაშვილს ერქვა ზიგფრიდი. ზიგფრიდ ჯოჯუა:) ასევე ჩემს დიდ ბაბუას ერქვა ნაპოლეონი. ნაპოლეონ ყორშია“, – წერს ის.