68 წლის ასაკში აჭარის ტელევიზიისა და რადიოს თანამშრომელი, ალეკო აბაშიძე გარდაიცვალა.
ის ტელევიზიის საავტორო შემოქმედებითი გადაცემების მთავარი ოპერატორი იყო. სამწუხარო ინფორმაციას აჭარის ტელევიზია ავრცელებს.
ალეკო აბაშიძე ტელევიზიაში 1992 წლიდან არაერთ გადაცემაზე მუშაობდა. 31 წლის განმავლობაში მაღალი პროფესიონალიზმით ემსახურებოდა თავის საქმეს და ამ პროფესიაში არაერთ თაობას გაუკვალა გზა.