“პენსიონრები და შშმ პირები ვცხოვრობთ, სოციალურად დაუცველები ვართ აქ” – მოსახლეობა შველას ითხოვს

გლდანის მოსახლეობა დახმარებასს ითხოვს. წვიმამ ღამით გლდანში საერთო საცხოვრებლის შენობა დატბორა. წვიმის წყალი სახლებში პირველი სართულებიდან და სახურავიდანაც ჩავიდა. ღამით თავზე აწვიმდათ, დღეს კი ზარალს საკუთარი ძალებით ითვლიან.

საერთო საცხოვრებლის მოსახლეობა ამბობს, რომ მათი კორპუსი ისედაც ავარიულია და ყოველდღიურად სიკვდილს თვალებში უყურებენ. განსაკუთრებით კი მაშინ, რომცა ქარი და წვიმაა.

გვასხამდა წყალი, 4 ადამიანი წყლის გადაღვრას ვერ ავუდიოდით. ჩვენი სახსრებით როგორ გავაკეთოთ? პენსიონრები და მეორე ჯგუფის ინვალიდები ვცხოვრობთ. ნახევარზე მეტი სოციალურად დაუცველები ვართ აქ, – ამბობს ადგილობრივი მოსახლე.

ამის მიუხედავად, გლდანის პირველ რაიონში გლდანის წარმომადგენელი არ გამოჩენილა.

შეგახსენებთ, რომ გუშინ თბილისში მოსულმა უხვმა ნალექმა დედაქალაქის სხვა და სხვა უბნებში პრობლემები შექმნა. დაიტბორა ქუჩები, სახლები და მაღაზიები, წაიქცა ხეები და დაზიანდა ელექტროსადენები.