თბილისის მერიის ცხელ ხაზზე წუხელ 367 ზარი შევიდა – ამის შესახებ „ინტერპრესნიუსს“ დედაქალაქის მერიიდან აცნობეს.
გუშინ, ძლიერმა წვიმის შედეგად დედაქალაქის რამდენიმე უბანი დაიტბორა და დაზიანდა ელექტროსადენები.
დედაქალაქის მერის მოადგილის, ირაკლი ბენდელიანის განცხადებით, თამარაშვილის ქუჩაზე ქვათაცვენა დაფიქსირდა, ამასთან, უსაფრთხოებიდან გამომდინარე, წყნეთი-ბეთანიის დამაკავშირებელ გზაზე მოძრაობა დროებით შეზღუდული იყო.