დაავადების გავრცელების დინამიკაზე პროგნოზები საკმაოდ დამაიმედებელი შეიძლება გვქონდეს, თუ ახალი წლის ღამემ ჩვენი იმედები არ გააწბილა, – ამის შესახებ პაატა იმნაძემ „პალიტრანიუსის“ ეთერში განაცხადა.
მისი თქმით, ახალი წლის ღამის ეშინია.
„დაავადების გავრცელების დინამიკაზე პროგნოზები საკმაოდ დამაიმედებელი შეიძლება გვქონდეს, თუ ახალი წლის ღამემ ჩვენი იმედები არ გააწბილა. იმიტომ, რომ მაღაზიებთან რაც არის დაკავშირებული, დღეს რასაც ვუყურებ, მაქსიმალურად დაცულია დისტანციაც, პირბადეც.
დიდ გართულებებს არ უნდა ველოდოთ სავაჭრო წერტილებიდან, მაგრამ ახალი წლის ღამე ძალიან მაშინებს, პირდაპირ ვიტყვი, როგორ გავივლით ამ პერიოდს. ყველა პროგნოზი ისეთია, რომ უნდა ვაკონტროლოთ სიტუაცია კარგად იანვრის მეორე ნახევარში”,- განაცხადა პაატა იმნაძემ.