სოციალური ქსელის მომხმარებელი თათა ხუნდაძე facebook-ზე შოვის სტიქიის შედეგად გიო დუდაშვილის ოჯახის თავს დატეხილი ტრაგედიის შესახებ წერს.
„მოისვენა თოჯინიანმა კაცმა !
ნაწილ ნაწილ აგროვებდა 21 დღე ცოლს და შვილებს და შეაგროვა!
დედას ჩააბარა სამივე! ეხლა უკვე იცის, ტკივილისგან კანის აგლეჯვა რომ მოუნდება, სად მივიდეს!
მისი გაღვიძების წარმოდგენა მზარავს, ღვარცოფივით რომ დაატყდება თავს რეალობა!
შაბათს დაკრძალავს და დარჩება მარტო, თავის ფიქრებთან, მოგონებებთან და ენით აღუწერელ ტკივილთან !
მეზიზღებით ყველა, ვისაც ამ კაცის დახმარება შეგეძლოთ და გაჩერდით და დაიძინეთ!
მოისვენა თოჯინიანმა კაცმა!“, – აღნიშნავს ის.
შეგახსენებთ, შოვში ჩამოწოლილ მეწყერს გიო დუდაშვილის მეუღლე და 3 შვილი ემსხვერპლა.
რაჭაში სტიქია 3 აგვისტოს მოხდა. ამ დრომდე ნაპოვნია 31 ცხედარი, 2 დაკარგულს კიდევ ეძებენ.