ჟურნალისტი ლაშა ბერულავა სოციალურ ქსელში საგანგაშო ინფორმაციას ავრცელებს:
“ყუროს ქედზე, ყაზბეგის მუნიციპალიტეტში, ხევი ჩამოიშალა, რაც ქვათაცვენამ გამოიწვია. ფოტო დაახლოებით ერთი საათის წინ, მიშა ზედგინიძემ გადაიღო.
მისი თქმით, იმ მხარეს, სადაც ქვათაცვენა მოხდა, დასახლებული ტერიტორია არ არის და ჩამოშლილ ხევს არც მდინარე ყურო ჩაუხერგავს, რადგან ქვები მდინარიდან საპირისპირო მხარეს ცვიოდა.
ყურო: მწვერვალი საქართველოში, მცხეთა-მთიანეთის მხარეში, ყაზბეგის მუნიციპალიტეტში. მდებარეობს კავკასიონის მთავარი წყალგამყოფი ქედის სუბმერიდიანულ განშტოებაზე, მდინარეების თერგისა და ხდის წყალგამყოფ ყუროს ქედზე. წარმოადგენს ყუროს ქედის უმაღლეს წერტილს. აგებულია იურული თიხაფიქლებით. დამახასიათებელია ალპური ლანდშაფტი (ვიკიპედია)” – წერს ლაშა ბერულავა
ფოტო: მიშა ზედგინიძე