პუტინის პროპაგანდისტი თინა კანდელაკი “ბლექ სი არენაზე” The Killers-ის კონცერტის მიმდინარეობისას მომხდარ ინციდენტს ეხმაურება:
“გამიკვირდებოდა ასეთი საქციელი, რომ არ ვიცოდე არაჩვეულებრივი ამერიკული გრანტების შესახებ, რომლითაც ქართველი ახალგაზრდობის ნაწილი აღიზარდა. ეს ახალგაზრდები მზად არიან შუა თითი აჩვენონ რუსების და რუსული კულტურის ნებისმიერ ხსენებაზე.
ამასთან დაკავშირებით მიჩნდება კითხვა: როდემდე ვაპირებთ ამის მიღებას, როდემდე არ დავპატიჟებთ ქართველ სტუდენტებს ჩვენთან განათლების მისაღებად? მერწმუნეთ, მსურველები საჭიროზე მეტია. დროა მათ გზა გავუხსნათ” – წერს კანდელაკი.
შეგახსენებთ, The Killers-ის წევრმა სცენაზე რუსი დრამერი აიყვანა და მას შემდეგ, რაც მსმენელისგან უკმაყოფილება იგრძნო, განაცხადა, რომ მისი აზრით, ეროვნებას მნიშვნელობა არ აქვს და მუსიკაში საზღვრები არ არსებობს.
ფაქტს ქართველი მსმენელისგან პროტესტი მოყვა, უამრავმა მათგანმა “ბლექ სი არენა” დატოვა.