დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, 3 იანვრიდან სრული “ლოქდაუნის” დაწესება არ განიხილება. ასე უპასუხა მან უწყებათშორისი საბჭოს სხდომის დასრულების შემდეგ გამართულ პრესკონფერენციაზე კითხვას, რომელიც 3 იანვრიდან სრული “ლოქდაუნის” შესაძლო დაწებას შეეხებოდა, რაც კერძო ავტომობილებით გადაადგილების აკრძალავასაც გულისხმობს. ამირან გამყრელიძე ამბობს, რომ არსებული ინფორმაციით, “შეზღუდვები გაგრძელდება ისე, როგორც ეს ორთვიანი გეგმით იყო განსაზღვრული”.
„3 იანვრიდან სრულ “ლოქდაუნზე” მსჯელობა არ ყოფილა. თუკი ეპიდემიოლოგიური ვითარება გაგრძელდა ისე, როგორც არის დღეს და იყო გუშინ, ყველაფერი გაგრძელდება ისე, როგორც ორთვიანი გეგმით არის განსაზღვრული”, – განაცხადა ამირან გამყრელიძემ.
ინფორმაციისთვის: 24 დეკემბრიდან 3 იანვრამდე პერიოდში ეკონომიკის ნაწილი დროებით გაიხსნა, თუმცა 3 იანვრიდან 16 იანვრის ჩათვლით პერიოდში, შეზღუდვები კვლავ ძალაშია, მათ შორის აკრძალულია საზოგადოებრივი და საქალაქთაშორისო ტრანსპორტი, მოლები და ა.შ.