„ემიგრანტების იმედი“, შოთო სიხარულიძე სოციალური ქსელში წერს, რომ საბერძნეთში ქართველი ემიგრანტი გარდაიცვალა.
„გარდაიცვალა ემიგრანტი სალონიკში, ახალგაზრდა, სიცოცხლით სავსე ვალერი ხუროშვილი. შენი 6 წლის პატარა ემიგრანტი შვილი გიორგი დაგტირის, მამიკო მინდაო და რა ვუთხრათ, როგორ გავაგებინოთ, რომ ვეღრაასოდეს გნახავს?
როგორ ზრდიდი და უვლიდი შენს გიოს, შენთან ერთად. ვერ ძლებდი მის გარეშე. ახლა რა ეშველება უშენოდ? სულ მარტო დარჩა სალონიკში მამიკოს გარეშე.
ცხარე ცრემლით დაგტირიან სალონიკის ემიგრანტები, ჩვენო უკეთილშობილესო სიკეთის ბიჭო. მეხის გავარდნას ჰგავს შენი უეცარი გარდაცვალება.
15 წლიანი ემიგრაციიდან კასპში, შენს მშობლიურ სოფელ ოკამში ასე უნდა დაბრუნებულიყავი შენს შვილთან ერთად?
უკარგესი უკეთილესი ადამიანი… გთხოვთ მოვიხსენიოთ ლოცვებში ვისაც შეგვიძლია. უფალმა დაუმკვიდროს ცათა სასუფეველი, იავარდი შენ სპეტაკ სულს.
ღმერთო, მიეცი ძალა მის ოჯახს ამ ტკივილის ასატანად, სასუფეველში იყავი, რომ არა უფალი, ამდენ მწუხარებას ჩვენ ვერ გავუძლებდით.
კეთილად მოიხსენიე, უფალო, მონა შენი და კეთილთა შინა განუსვენე – განიხარე მის სულს.
იძინე მშვიდად შენს მარადიულ სასუფეველში, სადაც ნეტარ არიან ღვთისგან რჩეულნი. ღმერთს სასუფეველში რჩეულები მიჰყავსო ამბობენ…
“შოთო სიხარულიძე ქართველი ემიგრანტები” ღრმა მწუხარებას გამოთქვამს, თანაუგრძნობს და სამძიმარს უცხადებს ოჯახსა და ახლობლებს. ღმერთმა ნათელში ამყოფოს მისი ლამაზი სული.
ულმობელმა სიკვდილმა ერთმანეთს ფიზიკურად დაგვაშორა, მაგრამ შენ არ იფიქრო, სიკვდილი შეძლებს შენდამი სიყვარულის განელებას. შენ მაინც ჩვენთან ხარ და ჩვენს გულებში აგრძელებ სიცოცხლეს. ჩვენთვის მარად უკვდავი ხარ, შენი სიკეთეებით და მოგონებებით.
შენი სულის მოსაგონებლად ყოველთვის იციმციმებს დანთებული სანთლები და შენს საფლავზე აყვავებულ ყვავილებს არ მოაკლდება ნამი ცრემლებისა“ – წერს სიხარულიძე