7 აგვისტო შოვში დატრიალებულ ტრაგედიასთან დაკავშირებით, ქვეყნის მასშტაბით გლოვის დღედ გამოცხადდა. სახელმწიფო უწყებების შენობებზე ეროვნული დროშები დაეშვა.
შეგახსენებთ, 3 აგვისტოს შოვში მეწყერი ჩამოწვა და ადამიანები მოიყოლა. ამ დროისთვის დადასტურებულია 18 გარდაცვლილი. მათი ნაწილი იდენტიფიცირებულია, ნაწილის ამოცნობის პროცესი კი პროზექტურაში მიმდინარეობს. დაღუპულებს შორის არიან ბავშვებიც.
არიან დაკარგულებიც, რომელთა პოვნა ამ დრომდე ვერ ხერხდება. სტიქიის ზონაში სამძებრო ღონისძიებებში 400-მდე მაშველი, ჯარი და მოხალისეები არიან ჩართული.