“ეს მამაკაცი მეორე დღეა შვილს ეძებს… ელის პასუხს – კარგს ან ცუდს მაინც, მაგრამ მასთან ჯერ არავინ მისულა, სამძიმრის სათქმელადაც”

სოციალურ ქსელში “მთის ამბები” ძალიან მძიმე ფოტოს აქვეყნებს იმ მამაკაცის, რომელიც მეწყერის დროს დაკარგულ შვილს ეძებს:

“ეს მამაკაცი მეორე დღეა შვილს ეძებს. ასე დგას და უყურებს როგორ თათბირობენ, საუბრობენ, საქმოსნობენ. ელის პასუხს – კარგს ან ცუდს მაინც, მაგრამ მასთან ჯერ არავინ მისულა, სამძიმრის სათქმელადაც” – წერია პოსტში.

შეგახსენებთ, 3 აგვისტოს შოვში მეწყერი ჩამოწვა, რომელმაც სოფელი, ფაქტობრივად, სრულად გაანადგურა. ნაპოვნია 12 ადამიანის ცხედარი. 25-მდე პირი, მათ შორის ბავშვები, ამ დრომდე დაკარგულად ითვლებიან. სამძებრო-სამაშველო სამუშაოები გრძელდება.