შოვში სტიქიური უბედურების შედეგად ადგილზე ჩარჩენილებს შორის იყო 3 თვის ბავში, რომელიც სამაშველო ჯგუფმა გადაარჩინა.
კაცი, რომელიც ოჯახთან ერთად ვერტმფრენმა სტიქიის ზონიდან გამოიყვანა, აცხადებს, რომ ღამე მესაზღვრეებთან ერთად გაათენეს.
“ჩვენ მესაზღვრეებმა ძალიან დიდი პატივი გვცეს, ძალიან დიდი მადლობა მინდა გადავუხადო მესაზღვრეებს, აგვიყვანეს საზღვარზე, პატარა ბავშვებით ვიყავით და აბსოლუტურად სრული ყურადღება მოგვაქციეს. მესაზღვრეებმა ყველას შესთავაზეს და ვისაც სურვილი ჰქონდა ყველა წაიყვანეს” – აცხადებს ევაკუირებული მოქალაქე” – ამბობს მოქალაქე.
შეგახსენებთ, გუშინ შოვში მეწყერი ჩამოწვა, რომელმაც სოფელი ფაქტობრივად სრულად გაანადგურა. შინაგან საქმეთა სამინისტროს თანამშრომლების მიერ სტიქიის ზონიდან აქტიურად ხორციელდება მოქალაქეების გამოყვანა და ამ დროისთვის უსაფრთხო ადგილას გადაყვანილია კიდევ 140 ადამიანი. გუშინდელი და დღევანდელი დღის ჩათვლით, სტიქიის ზონიდან სულ გადმოყვანილია 210 ადამიანი.