2023 წლის ზაფხულის ბოლო თვე უკვე დაიწყო. აგვისტო ბევრი ადამიანისათვის ახალი შესაძლებლობებისა და თავგადასავლების პერიოდი იქნება, თუმცა ზოდიაქოს ამ ნიშნებს თვის განმავლობაში განსაკუთრებული სიურპრიზი ელის:
კურო
პლანეტა ვენერა, რომელიც აღნიშნულ ნიშანს მართავს, მთელი თვის განმავლობაში რეტროგრადულ მოძრაობაში იქნება. თუმცა, ეს ხელს ვერ შეგიშლით, რომ მიმდინარე პერიოდი თქვენთვის ერთ-ერთი ყველაზე წარმატებული იყოს. ნებისმიერი წამოწყება, რასაც დაგეგმავთ და განხორციელებას დაისახავთ მიზნად, მარტივად გამოგივათ და სასურველ შედეგს მიიღებთ. თუკი რაიმეს შესწავლას გეგმავდით, ახლა დაიწყეთ და ნახავთ, რომ იღბალი თქვენკენაა. მაგრამ, ასტროლოგების თქმით, განსაკუთრებული სიურპრიზი აგვისტოს თვეში პირად ურთიერთობებში გელით. შესაძლოა, სრულიად მოულოდნელად შეხვდეთ ადამიანს, რომელიც ბედნიერებას მოგანიჭებთ და სასიამოვნო თავგადასავალს შეგიქმნით. იყავით ღია სიახლეებისთვის და საკუთარ თავს ბედნიერების უფლება მიეცით.
კირჩხიბი
შესაძლოა, ახლა ემოციურად რთულ პერიოდს გადიხართ, თუმცა აგვისტოში ბევრი ბედნიერი დღე გელოდებათ. შეიძლება, სრულიად მოულოდნელად გაგიმართლოთ იმ საქმეში, რომელზეც ფიქრობდით, რომ აღარაფერი გამოვიდოდა და ამის გამო ბედნიერება იგრძნოთ. შესაძლოა, თქვენს სოციალურ წრეში ერთი დიდი, მნიშვნელოვანი ცვლილება განხორციელდეს და თქვენთვის მნიშვნელოვანმა ადამიანმა მოულოდნელად საკუთარი თავი და რეალური ზრახვები გამოავლინოს. ეს, რა თქმა უნდა, სტრესულია, მაგრამ ასტროლოგების თქმით, ეს მოვლენა გაგიხსნით გზას, რომ წინ კიდევ უფრო მეტი ბედნიერი დღე აღმოაჩინოთ და ის ადამიანი იპოვოთ, რომელიც თქვენს სიყვარულსა და მეგობრობას დააფასებს და აღარ გაწყენინებთ. აგვისტო თქვენთვის ტრანსფორმაციის, საკუთარი თავის უკეთესად შეფასების თვე იქნება. თავდაჯერებულობას იგრძნობთ, გაძლიერდებით და მიხვდებით, რომ წყენინების უფლება აღარავის უნდა მისცეთ.
თევზები
აგვისტოში თქვენს ნიშანში სავსემთვარეობა დასრულდება. ეს თვე თქვენთვის მნიშვნელოვან ცვლილებებს მოიტანს. განსაკუთრებული სიურპრიზი კი პირად ცხოვრებაში გელით. ახლა ყველა შანსი გაქვთ, რომ მნიშვნელოვან ადამიანს შეხვდეთ, რომელიც თქვენს ემოციებს, გრძნობებსა და განცდებს ზუსტად გაიგებს, მხარს დაგიჭერთ და თავს ბედნიერად გაგრძნობინებთ. შეიძლება, იმ გარემოდან, სადაც მუშაობთ, სოციალურად აქტიური ხართ, სრულიად მოულოდნელად აღმოაჩინოთ ის, ვინც თქვენს ცხოვრებაში ნათელ წერტილს შემოიტანს. შანსს ხელიდან ნუ გაუშვებთ, გაუღეთ კარი სიყვარულს და იყავით გამბედავი.
წყარო: ბომონდი